Delikado nga kumbinasyon ang El Niño kag ang inflation nga maghimo pa gid magtulod agud mamigado ang mga tawo.
Ginpahayag ini sang National Economic and Development Authority (NEDA) apang nagpasalig man nga protektahan sang gobyerno ang maapektuhan nga sektor agud mapahagan-hagan ang impact.
Suno kay NEDA chief Arsenio Balisacan, ang El Niño nga posible mag-igu sa Pilipinas sa katapusan sang tuig ang posible nga makapanubo sa produksyon sa agrikultura.
Suno pa kay Balisacan, ang pagpahagan-hagan sang epekto sang inflation kag El Niño ang nalakip sa social protection measures agud indi matam-an ang pigado nga mga pumuluyo.
“What we want to ensure is that we can mitigate the negative effects of El Niño. We can start planning and putting the necessary adjustments now to reduce the negative effects, while at the same time, already making arrangements for the necessary support for those who are most exposed, particularly the vulnerable groups,” suno sa NEDA chief.
Sang Marso, nangin 7.6 percent ang inflation sa Pilipinas halin sa 8.6 percent sang Pebrero.
Ginapanan-aw man sang NEDA nga matupa na lamang sa two to four percent target ang inflation subong nga tuig.
“With the inflation, the elevated inflation that we have now, if we are unable to reduce that inflation, and then you get this El Niño phenomenon, that is a dangerous combination and we want to prevent that from happening,” dugang pa sang opisyal.
