ILOILO CITY – Maga-perform ang multiple award-winning Filipina actress kag singer nga si Lea Salonga upod ang duha pa ka Broadway stars sa isa ka state dinner para kay South Korean President Yoon Suk Yeol sa White House sa masunod nga semana.
Ang Tony Award winner ang labing una nga Filipino artist nga maga-perform sa White House state dinner.
Si Lea ang updan sang Broadway stars nga sanday Norm Lewis kag Jessica Vosk.
Ang maga-host sang event amo si first lady, Jill Biden.
Lakip sa pila ka mga international celebrities nga nag-perform sa White House amo sanday Usher, Stevie Wonder, Jennifer Lopez, Beyonce, Aretha Franklin, Buddy Guy, Ricky Martin, Regina Belle, B.B. King, Esperanza Spalding, Demi Lovato, Ne-Yo, Sara Bareilles, kag iban pa.
