Nakaagaw-atensyon ang lovey-dovey photos sang hunk actor nga si Marco Gumabao kag sang rumored girlfriend sini nga si Cristine Reyes.
Gina-kwestyon man sang fans kun ano gid man ang real score sa duha matapos ang pagsapubliko sang amo nga sweet moments nga may caption pa halin kay Marco nga: “You are my home and my adventure all at once.”
Ang isa ka picture amo ang printed photo sang rumored couple kun sa diin may nakabutang nga “Love you!”
Una na nga ginpahayag sang aktor nga gina-enjoy nila ang company sang isa kag isa kag apisar wala sang ginhatag nga label sa relasyon, gin-athag man sini nga may something special sa tunga sa ila sang aktres.
Nahibaluan nga kasado anay si Christine sa mixed martial artist nga si Ali Khatibi nga amo man ang amay sang iya anak nga si Amarah. Nag-separar ang duha sang 2019.
