ILOILO CITY – Halos wala ginlauman sang Ilonggo champion nga makuha sini ang bulawan nga medalya sa Long Jump- Secondary Boys sa nagapadayon nga Western Visayas Regional Athletic Association Meet 2023.
Sa interview sang Bombo Radyo kay Joshua Patorara nagikan sa Jose Facultad Memorial National High School sa Pototan, Iloilo kag nakalumpat sang 6.46 meters sa amo nga category, iya ginpahayag nga elementarya pa lamang siya sang nagsugod sa pagpasakup sa athletics apang tubtob lamang sa Congressional District.
Pahayag dugang sang natungdan, inspirasyon niya ang iya pamilya kag mga manunudlo sa iya pagdaog.
Ginpasalamatan naman niya ang mga ini sa padayon nga pagsuporta sa iya.
Bwas nga adlaw, magapasakup pa ini sa Triple Jump.
