ILOILO CITY – Nag-absent gid sa trabaho ang isa ka amay agud nga personal nga masaksihan ang pagkampyeon sang iya anak sa Long Jump Elementary Boys sa nagapadayon nga Western Visayas Regional Athletics Association 2023.
Sa interview sang Bombo Radyo kay Julius Dechosa, amay ni Jomel Dechosa, iya ginpahayag nga sa tagsa ka competition sang iya anak, naga-absent gid ini sa trabaho agud nga makalantaw.
Dugang pa niya, apisar nga indi maayo ang pamatyag sang iya anak, ginahimo gid sini ang tanan nga masarangan kun makita sini nga yara ang iya presensya.
Apang kun wala siya, nagalain ang buot sang iya anak.
Si Jomel ang nagikan sa Barangay Maya, Balasan, Iloilo kag maga-advance na sa 2023 Palarong Pambansa sa July 29 tubtob sa August 5, 2023 sa Marikina City.
