Liwat nga nakit-an ang world-class talent sang Filipino Broadway legend nga si Lea Salonga sang nag-perform ini sa prestihiyoso nga state dinner sa White House para kanday US President Joe Biden kag South Korea President Yoon Suk Yeol.
Kaupod sang ni Lea nga nag-serenade sa world leaders ang iban pa nga Broadway stars nga sanday Norm Lewis kag Jessica Vosk.
Lakip sa ila nga gin-perform amo ang tracks halin sa musicals kaangay sang Les Miserables kag Funny Girl, kag amo man ang Don McLean classic nga “American Pie” nga paborito sang South Korean president.
Ginpahayag naman ni Lea nga daku nga bugal nga ma-imbitahan ni Biden kag ni First Lady Jill Biden sa White House.
Samtang nagahilapit ang Asian American Pacific Islander Heritage month, importante suno sa iya nga matiglawas sa global scale ang Asian Americans.
Lakip man sa nagsaksi sa amo nga event amo ang Hollywood star nga si Angelina Jolie.
Ang sunod nga balantayan nga performance ni Lea amo ang Broadway musical nga “Here Lies Love” nga isa ka pro-Filipino show.##
