Ginpaguwa na sang Philippine Women’s National Football team ang lineup sini para sa 32nd Southeast Asian Games sa Cambodia.
Lakip sa magapanguna sa team amo ang goalkeepers nga sanday Olivia McDaniel kag Kiara Fontanilla; forwards nga sanday Sarina Bolden, Quinley Quezada kag Isabella Flanigan; defenders nga sanday Hali Long kag Eva Madarang; kag midfielders nga sanday Sara Eggesvik kag Carleigh Frilles.
Nagtupa ang Filipinas sa Group A kaupod sa defending champion nga Vietnam, Myanmar, Malaysia kag Indonesia.
Daku ang ginalauman sa Filipinas bangud una, magahampang ini sa World Cup; ikaduha,naka-bronze ini sa Vietnam SEA Games; kag ikatatlo, nangin kampyon ini sa ASEAN Football Federation Women’s Championship sa Manila. #
