ILOILO CITY – Natalana nga magpagwa sang executive order si Iloilo City Mayor Jerry Treñas agud nga makakinot sang enerhiya sa syudad.
Sa interview sang Bombo Radyo kay Mayor Treñas, iya ginpahayag nga bwas nga adlaw i-finalize ang executive order.
Suno sa alkalde, lakip sa mga tikang nga himuon sang syudad amo ang pagpasiga sang mga street lights isa ka oras makaligad ang normal nga pagpa-andar kag pagpatay isa man ka oras antes ang regular nga magpatay sini.
Dugang pa sang alkalde, ang mga suga sa mga plaza kag esplanade ang patyon na las-10 sa gab-i apang agud nga wala sang may matabo nga krimen, may mabilin lang nga pila ka suga agud nga may kasanag man nga mabilin.
Sa mga air conditioners naman, tinguha-an nga ma-set sa 26 °C ang thermostat agud nga mapanubu-an ang demand sang kuryente.
