ILOILO CITY – Ginapahayag nga may porsyon sang Ungka Flyover nga gub-on.
Ini ang nabatian nga impormasyon ni Iloilo City Mayor Jerry Treñas nga rekomendasyon sang third party consultant nga nagpatigayon sang imbestigasyon sa Ungka flyover.
Sa interview sang Bombo Radyo kay Treñas nga amo ang chairman sang Regional Development Council- Infrastructure Development Committee, iya ginpahayag nga sapulon niya ang myembro sang committe sa ikaduha nga semana sang Mayo agud nga makumpirma ang amo nga impormasyon.
Sa amo nga pagsinapol, ginalauman nga mahatag na sang Department of Public Works and Highways ang bilog nga resulta sang imbestigasyon sang third party consultant nga madugay na nga ginapangayo sang alkalde.
