ILOILO CITY – Balantayan subong nga adlaw ang pag-atubangay sang Los Angeles Lakers kag Golden State Warriors, ang duha ka highly successful franchises sa National Basketball Association sa second-round playoff series sa Western Conference.
Apisar nga mabudlay, una na nga nalutos sang Lakers ang Warriors sa regular season kun sa diin ang isa diri ang natabo sang Pebrero 23 kun sa diin, wala nakahampang ang Golden State star nga si Stephen Curry bangud sang leg injury.
Ang Lakers ang may yara sang tatlo ka adlaw nga pahuway matapos ginlutos ang Memphis Grizzlies samtang ang Warriors ang gilayon nga magabalik sa court matapos ang kadalag-an batuk sa Sacramento Kings kun sa diin, nakahimo sang record si Curry bangud sang 50 points sa Game 7.
Ang superstar sang duha ka team nga sanday LeBron James kag Curry ang 22 ka beses nga nag-atubangay sa playoffs apat ka sunud-sunod nga NBA Finals humalin sang 2015-18.
Sa apat ka finals, tatlo ka championship rings ang nakuha ni Curry.
Suno kay LeBron, natun-an na niya ang sekreto sang Warriors.
Alas-10 subong nga aga, liwat nga magakita-ay sanday LeBron James kag Steph Curry.
