Ginmanduan sang korte sa Amerika ang Filipino boxing legend nga si Manny Pacquaio nga magbayad sang $5.1 million ukon masobra P282-million.
Kasunod ini sang kaso nga breach of contract nga ginpasaka sang Paradigm Sports Management batok sa amo nga boxing icon.
Nag-ugat ang kaso sa ginapahayag indi pagtuman ni Pacquiao sa kasugtanan sini sa Paradigm apisar nahatagan na ini sang advance payment nga $2-million ukon lampas sa P100M.
Naguwa nga nag-sambuwa pa ang nagaisahanon nga eight-division world champion sa iban nga boksingero nga wala sa napirmahan sini nga kontrata sa Paradigm, kundi gamit ang lain nga sports management group.
Ginapahayag nga ang minilyon ka pesos nga kantidad nga bayaran ni Pacquiao ang nagalakip sang $1.8 million ukon masobra P99.4 milllion sa damages kag ang $3.3 million ukon masobra P182.4-million abanse nga bayad nga ginhatag sang amo nga sports management sa amo nga boxing legend.
