ILOILO CITY – Ginapatihan nga gin-anud sang tubig baha ang mga pilote sa ginakay-o nga Monfort Bridge sa Dingle, Iloilo.
Sa interview sang Bombo Radyo kay Punong Barangay Edgar Andora sang Poblacion, Dingle, Iloilo, iya ginpahayag nga duha na ka bulan nga ginbutang ang pilote sa ginakay-o nga taytay.
Dugang pa niya, ginabanta 11 ka tapak ang kataason sang mga pilote nga indi maglapaw sa 10 ang numero.
Pahayag dugang sang natungdan, mahibaluan lamang kun ara pa ang pilote kun magnubo na ang lebel sang tubig.
Suno kay Andora, mahinay ang pag-subside sang tubig sa lugar kun sa diin, pila nalang ka metro kag malapawan na ang taytay.
