Nagapangaduha ang Pilipinas sandig sa 10 p.m. (May 4) medal tally para sa 2023 Southeast Asian Games sa Cambodia.
May yara sang duha ka gold ang Pilipinas, duha ka silver, kag tatlo ka bronze.
Naangkon ang duha ka bulawan nga medalya matapos nagpangibabaw sanday Angel Gwen Derla sang Laguna sa women’s bamboo shield form sang kun bokator event; kag si Jenna Kaila Napolis sa women’s jiu-jitsu.
Labaw naman ang host country nga may lima ka gold kag apat ka silver.
Subong man nga adlaw, Mayo 5, opisyal nga buksan ang 32nd SEA Games paagi sa opening ceremony sa Morodok Techo Stadium sa Phnom Penh.
Igatiglawas sang lunsay babayi nga atleta ang Pilipinas sa parada kag sila ang pangunahan sang volleyball star nga si Alyssa Valdez.
Ini na ang ikaduha nga tion nga mangin flag bearer sang Pilipinas si Valdez sa SEA Games bangud natabo man ini sang 2015 sa Singapore.
