Balantayan subong nga adlaw, Mayo 9, ang pag-umpisa sang hampang sang Gilas Pilipinas sa Southeast Asian Games sa tuyo nga maagaw-balik ang bulawan nga medalya nga nabuy-an sini kag nagsalo sang Indonesia sang nagligad nga biennial sports event sa Vietnam.
Mangin kasumpong sang Gilas sa men’s basketball ang Malaysia sa Morodok Techo Elephant Hall 2 sa Phnom Penh, Cambodia. Maga-umpisa ang sambuwa 2:00 sa hapon oras sa Pilipinas.
Magapanguna sa Gilas ang naturalized player nga si Justin Brownlee, two-time PBA Best Player of the Conference Christian Standhardinger, kag national team stalwart nga si CJ Perez.
Ka-grupo sang Pilipinas ang Singapore kag Cambodia sa Group A.
Ang top two teams sa kada grupo ang maga-abanse sa crossover semifinals nga nakatalana sa Mayo 15 kag pagasundan ini sang gold medal game. #
