Ginbawian gid sang kabuhi ang 22-anyos nga pro-boxer matapos nakaangkon sang brain hemorrhage kasunod sang sambuwa sa Imus, Cavite sang nagligad nga weekend.
Ini nga Filipino bantamweight amo si Kenneth Egano, 22, tumandok sang General Santos City.
Siya ang gindeklarar nga winner matapos ang walo ka rounds nga boxing match batok kay Jason Facularin sang Mayo 6, apang wala na sini nabatian nga gin-anunsyo ang iya nga pangalan bangud nag-collapse ini samtang nagahulat sang resulta.
Ginhingagaw dala ang boksidor sa Imus Doctors Hospital kag ginkumpirma nga nakaangkon sang brain hemorrhage.
Sini lang nga Myerkules sang hapon, matapos ang apat ka adlaw nga pagka-coma, ginkumpirma sang boxing organizer nga Blow-by-Blow nga napatay si Egano.
“Sad day for Philippine boxing,” kabahin sang statement sang Blow-by-Blow. “The whole Blow by Blow family is deeply saddened by the news that one of our beloved fighters, Kenneth Egano, has joined our creator this afternoon. Kenneth was one of Blow by Blow’s best young pugilists and had a potential to be a future champion.”
Nagpalab-ot man ini sang mensahe sang simpatiya: “Taos-puso ang aming pakikiramay at taimtim ang aming panalangin para sa pamilyang naiwan ni Kenneth. Rest in peace, Kenneth Egano. You will be missed.”
Si Egano ang may yara sang pro record nga 7-1 (3 knockouts) antes ginbawian sang kabuhi.
Una naman nga nagpasalig ang Pinoy boxing icon nga si Manny Pacquiao nga amo ang event sponsor nga sabton sini ang medical expenses. #
