Gin-athag sang Department of Agriculture (DA) nga makalab-ot pa tubtub sa Nobyembre subong nga tuig ang suplay sang red onions sa Pilipinas.
Ini ang sa tunga sang gin-report nga liwat nga pagsaka sang presyo sini nga produkto sa mga merkado sa National Capital Region.
Suno kay Agriculture Asec. Kristine Evangelista, kalabanan sa mga sibuyas sang mga mangunguma ang nabaligya na sa traders.
Lantawon sang ahensya suno kay Evangelista ang data sang Department of Trade and Industry (DTI) kun san-o kutob ang suplay sang tanan nga sibuyas magluwas sa red onions.
May mga stock sang mga bombay sa mga cold storage suno sa opisyal para mas mapalawig ang life span, kag may yara man nga ginabaligya na sa mga merkado.
Hugot man nga ginabantayan sang DA ang hoarding agud indi magtimbuok ang presyo.
Ginatutukan man sang field inspectors sang ahensiya suno kay Evangelista ang inflow kag outflow sang onion supplies sa cold storage facilities. #
