ILOILO CITY – Loves knows no age, identity and gender.
Sulit-sulit man ini sa aton pamatin-an, apang sa gihapon, ginakilig kita kun aton ini nga mabatian.
Sa isa ka pungsod sa Southeast Asia, ginahambalan subong ang istorya sang isa ka 22 anyos nga Malaysian man kag sang iya 48 anyos nga former teacher.
Una nga nakita ni Muhammad Danial Ahmad Ali ang iya future wife nga si Jamilah Mohd sang 2016 sa sulod sang classroom.
Wala pa sang something romantic sa ila nga relasyon apisar nga ginpahayag sang 22 anyos nga madumduman sa gihapon niya ang caring attitude kag ang closeness ni Jamilah sa iya mga estudyante.
Nadula ang komunikasyon sang duha sang yara na sa Form 4 class si Muhammad, apang nagkita-ay sila liwat.
Gintamyaw ni Muhammad si Jamilah apang sang na-recognize na niya ini sang yara na siya sa Form 5.
Gin-greet niya ini sa birthday kag nagsugod na ang ila nga pagbayluhanay sang mensahe.
Didto na kag nag-confess si Muhammad apang, gin-reject ini ni Jamilah bangud sang ila nga 26-year age gap pero wala gid nag-untat si Muhammad.
Apisar sang madamo nga rejection, napa-huo ni Muhammad si Jamilah.
Sa bulig sang ila pamilya, nagplano nga magpakasal ang duha sang 2019 apang gin-isol ang kasal sa 2021 bangud sang pandemya.
Suno kay Muhammad, age is just a number kag nakahanda ini nga himuon ang tanan agud nga matungdan ang responsibilidad sang isa ka maayo nga bana.
Si Jamilah ang nagpakigbulag sadto sa iya una nga bana sang 2017 kag nag-focus nalang sa trabaho, wala na sang tyempo sa paghigugma.
Apang si Muhammad lamang ang nakapabag-o sa iya desisyon bangud sa pagtinguha sini nga makuha ang iya matam-is nga huo.
