Balantayan subong nga adlaw, Mayo 15, kun makabalos ang Gilas Pilipinas sa team sang Indonesia nga amo ang nagtapos sang 33 ka tuig nga paghari sang Gilas sa men’s basketball sa Southeast Asian Games.
Magakit-anay liwat ang Indonesia kag ang Gilas 6:00 karon sa gab-i oras sa Pilipinas para sa knockout, cross semi-finals sa men’s basketball.
May yara sang 2-1 nga rekord ang Pilipinas samtang may 3-0 naman nga rekord ang Indonesia antes magkit-anay sa semis.
Lauman ang pwersa nga ibuga sang Pilipinas ilabi na halin sa import nga si Justin Brownlee nga amo ang maga-atubang sa Indonesian squad nga ginapangunahan sang tatlo ka naturalized players nga sanday Dame Diagne, Anthony Beane, kag former Philippine Basketball Association (PBA) import Lester Prosper.
Kun matandaan, sa 31st SEA Games sa Vietnam, nahuy-an ang Pilipinas kag napaslawan nga maangkon sang ika-14 na kuntani nga sunod-sunod nga gold medal sa men’s basketball bangud sa apat ka puntos nga abanse sang Indonesia sa finals.
Sa pihak nga bracket sang semi-finals, maga-atubangay naman ang Cambodia kag ang Thailand. #
