Todo ang kahangawa kag pagpangamuyo sang fans matapos nasaksihan nga nalipong ang singing sensation kag internet superstar nga si Gigi De Lana samang naga-perform ini sa isa ka show sa Paoay, Ilocos Norte.
Makit-an sa video nga gintinguhaan ni Gigi nga matapos ang iya nga “Noypi” performance, apang nag-uy-uy ini kag sang ulihi ginpalapitan na lang sang iya nga mga kaupdanan kag ginpaguwa sa stage.
Nagpangayo man sang pasaylo ang banda nga “The Gigi Vibes” sa mga nagtambong sa amo nga show sa Ilocos Norte.
Nahibaluan nga antes ang insidente, naaksidente si Gigi kag ang iya nga team. Si Gigi kag ang iban pa nga band members nga sanday Jon, Oyus, Mela kag ang ila nga crew members ang lunsay nag-angkon sang minor injuries.
Matandaan nga antes pa man ang aksidente kag antes pa man ang pagkalipong sa stage, una na nag-anunsyo ang singer nga magapahuway anay ini sa pagkanta bangud sa nodules sa iya nga tutunlan.
Popular ang amo nga singer kag nangin internet sensation halin sang nagpaguwa ini sang powerful kag emotional version sang “Bakit Nga Ba Mahal Kita” ni Roselle Nava.
Nag-release man ini sang iya nga self-titled debut album sang 2022. #
