ILOILO CITY – Ginhingyo sang Public Safety and Transportation Management Office sa Iloilo City Council nga amyendaran ang mga traffic regulations sa syudad partikular na ang pagpasaka sang multa sa pila ka mga traffic violations.
Lakip sa mga ginaduso nga pasakaan sang multa amo ang mga masunod:
*illegal parking= P300- P1, 000
*obstruction= P200- P1, 000
*expired driver’s license= P500- P1, 000
*disregarding= P200- P500
*colorum= P1, 000- P1, 500
*no crash helmet= P500- P1, 000
*route painted on windshield= P200- P1, 000
*jaywalking= P50- P500
*outside city loops= P300- P1, 000
*load/unload= P200- P1, 000
*outside tricycle route= P500- P1, 000
*truck ban= P500- P1, 000
*one way/ driving w/o functional headlights/ excess passenger/ failure to display red flag= P300- P500
Sa interview sang Bombo Radyo kay Mr. Jeck Conlu, pinuno sang talatapan, iya ginpahayag nga madamo nga mga traffic violators ang daw kaangay nga wala natakam ukon nakatu-on sang leksyon bangud nga tuman ka nubo lamang sang penalidad.
Suno kay Conlu, third quarter pa lamang sang tagsa ka tuig, ubos na ang temporary operator’s permit bangud nga ang iban nga violators ang sulit-sulit lamang.
Dugang pa niya, kun nagasunod lamang sa mga traffic regulations sa syudad, wala man sang dapat nga kabalak-an sa gina-propose nga pagpasaka sang penalidad.
Sa subong, nagahulat na lamang ang talatapan sang patigayunon nga committee hearing.
Nagpasalig naman si Conlu nga sa tion nga matigayon na ang amendment, indi pag-abusuhan sang mga traffic enforcers ang pagpasaka sang penalidad.
