ILOILO CITY – May gintukod nga monitoring team ang Public Safety and Transportation Management Office agud nga magbantay sa mga traffic aides nga wala nagatuman sang ila nga responsibilidad.
Sa interview sang Bombo Radyo kay Mr. Jeck Conlu, pinuno sang talatapan, iya ginpahayag nga sa tanan nga tion, dapat nga may yara gid sang enforcer ang mga dalanon.
Suno kay Conlu, may mga reports nga nakalab-ot sa iya opisina nga ang mga enforcers ang nagapulupalagyo kag naga-istorya sa kilid sang dalan.
Sang damlag lang, nagmandu si Iloilo City Mayor Jerry Treñas nga magtutok ang traffic aides sa pagdelihir sang trapiko.
Suno kay Conlu, traffic management ang priority sang iya opisina kag may yara man sang apprehension team nga amo ang magapanakup sa mga violators.
