ILOILO CITY – Matapos ang pila ka tuig nga speculation, finally, gin-confirm na sang long-time screen partners nga sanday Coco Martin kag Julia Montes ang ila nga 12 ka tuig na nga relasyon.
Buot silingon, ang celebrity couple ang nagsugod sa pag-date sang 2011 sang ang 28-anyos nga si Julia ang 16-anyos pa lamang.
Samtang, si Coco ang maga-edad na sang 41-anyos sa Nobyembre.
Ginpaathag sang magkahagugma nga ginpili nila nga himuon nga pribado ang ila personal nga kabuhi.
Suno kay Coco, indi na sila mga bata.
Mas manami sa pamatyagan suno sa iya nga pribado ang ila nga kabuhi kag malinong, wala sang issue kag malipayon.
Ini ang ginsegundahan man ni Julia.
Suno sa iya, grateful siya sa Ginuo bangud nagapabilin nga ‘alive’ ang paghigugma-anay nila ni Coco.
Wala na gin-share sang duha kun paano nagsugod ang ila pagtamdanay.
Si Julia kag si Coco ang una nga nagkatrabaho sang 2012.
