ILOILO CITY – Patay ang isa ka solterito matapos nagbitay sang iya kaugalingon sa Barangay Cato-ogan Pototan, Iloilo.
Sa interview sang Bombo Radyo kay Police Staff Sergeant Richard Cabucos, imbestigador sang Pototan Municipal Police Station, iya ginpahayag nga nagasuprir ang biktima sang depression matapos ginbayaan sang iya iloy nga nagtrabaho bilang isa ka Overseas Filipino Worker (OFW).
Suno kay Cabucos, tatlo na ka bulan humalin sang nagpadulong sa luwas sang pungsod ang iloy sang biktima.
Wala sang ideya ang anak suno sa natungdan kun sa diin nga pungsod nagpadulong ang iya iloy.
Ginpahayag ni Cabucos nga nagatinir ang biktima sa balay sang iya lola kaupod ang duha niya nga pakaisa.
Kaina sang kaagahon, nasapwan na lang sang iya lola nga nagabitay ang biktima sa sulod sang kwarto.
Sang ginbukad naman ang iya cellphone, nakit-an ang iya mensahe nga ipadala kuntani sa iya iloy, apang wala na ini ma-send.
Nasaad diri ang iya pagpangayo sang pasaylo kag pagpangabay nga luyag na sini nga magpahuway.
Nag-ayo man ini sa iya iloy nga kun mapatay na ini, batunon sa gihapon nila sa iya balay ang iya kahagugma.
Nagpanugyan man ang pulis sa mga ginikanan nga istoryahon ang ila mga kabataan ilabi na kun may ginabatyag ang mga ini nga depression.
*****
[SUICIDE PREVENTION HOTLINE CENTER FOR HEALTH DEVELOPMENT – WESTERN VISAYAS]
1-800-10-333-8336
09985324047
09255469919
WVSUMC – 3202431 loc. 162 or 209
3292360
WVMC – 3211797 loc. 186
5037708
PMHU – 5298109
