ILOILO CITY – Dismayado ang consumer group sa National Grid Corporation of the Philippines sa ginpatigayon nga Iloilo City Energy Forum.
Sa interview sang Bombo Radyo kay Ms. Jane Javellana sang One Panay Consumers Association, Inc., iya ginpahayag nga wala nasabat sang National Grid Corporation of the Philippines ang ila mga nangin pamangkot.
Suno kay Javellana, daw kaangay nga wala sang plano nga magsabat ang nasambit nga transmission service provider sa ila nga five-year plan.
Dugang pa niya, indi kinahanglan sang publiko ang mga paathag sa technicalities sang operasyon kundi, ang gusto lamang sang mga kunsumidor amo nga indi na masulit pa ang uninterrupted service.
Lakip man sa ginalauman sang mga kunsumidor amo ang barato nga kuryente kag tayuyon nga kuryente.
Kinahanglan man suno sa iya nga i-improve ang ila nga mga equipment kag serbisyo.
