Indi makahampang sa Game 5 subong nga adlaw ang guard sang Miami Heat nga si Gabe Vincent bangud sa naangkon nga injury.
Isa si Vincent sa breakout stars sang 2023 NBA playoffs kag may average nga 17.5 points kag 2.3 rebounds sa kada game sa nagligad nga apat ka hampang sang Heat batok sa Boston Celtics.
Ginalauman nga magabulos ang veteran guard nga si Kyle Lowry sa starting lineup sang Miami.
Bangud wala si Vincent amo man sanday Tyler Herro kag isa pa ka guard nga si Victor Oladipo, magasalig ang Miami kanday Lowry, Jimmy Butler kag Bam Adebayo agud dalayon nga malutos ang Celtics sa Eastern Conference Finals.
Balantayan ang hampang sang duha ka team 8:30 subong nga aga oras sa Pilipinas.
3-1 ang serye pabor sa Heat kag isa na lang ka daog ang kinahanglan agud makasambuwa na ang Denver Nuggets sa Finals. #
