ILOILO CITY- Patay ang isa ka lalaki matapos gintiro samtang nagakinasadya kadungan sang kapiestahan sa Barangay San Salvador, Banate, Iloilo.
Ang biktima amo si Renante Penaflorida, 45 anyos, residente sang amo nga lugar kag naangkon sang igo sa iya ulo.
Sa interview sang Bombo Radyo kay PLt Dandy Ilalto, hepe sang Banate Municipal Police Station, iya ginpahayag nga nagainom-inom ang biktima upod sa iban nga bisita sa compound sang ila balay.
Suno kay Ilalto, may nabatian nga lupok kag natumba si Penaflorida kag nakit-an nga may pilas na ini.
Gindala sa ospital ang biktima apang ginbawian gid sang kabuhi.
Sa subong,wala pa matumod kun sin-o ang may kahimuan sang pagpangluthang bangud wala sang may nakakita kun sin- o ang nagtiro.
I-check naman sang otoridad ang footage gikan sa closed circuit television sa lugar agud malantaw kun na-capture ang insidente.
