ILOILO CITY – Ginapahayag nga nagbulaganay na ang long-time celebrity couple nga sanday Liza Soberano kag Enrique Gil.
Suno sa anay manager ni Liza nga si Ogie Diaz, may nakalab-ot nga impormasyon sa iya nga kagustuhan ni Liza nga magbulaganay na sila ni Enrique.
Pahayag ni Ogie, ginatinguha-an pa ni Enrique nga ma-save ang ila nga relasyon.
Nag-ugat ang huring-huring sa break-up sang celebrity couple sa observation sang netizens nga wala gina-mention sang actress ang iya nobyo sa mga interviews sini.
Wala man ini nag-post sang greetings sa birthday ni Ken.
Dugang pa ni Ogie, nagpauli sa Pilipinas si Liza kag ginsugat sang iya management kag wala nakahibalo si Enrique.
Sa pihak sang sini nga mga impormasyon, wala pa sang confirmation nagikan sa duha.
Nagalaum naman si Ogie nga indi matuod ang balita kag maistoryahan pa kun may problema gid man.
Apang, pahayag niya, kun matuod gid man nga nagbulagay ang duha, ang importante, maayo nangin ang breakup.
Abril subong nga tuig sang ginpanginwala ni Ken nga bulagay na sila ni Liza.
Ang celebrity couple nga kilala nga LizQuen ang magkahagugma halin pa sang 2014 apang ginsapubliko lamang ini sang 2019.
Si Liza ang yara subong sa Estados Unidos sa iya Holywood career samtang si Enrique ang nagapadayon sang iya solo acting career sa Pilipinas.
