ILOILO CITY – Wala sang may gin-report nga pagbaha kag landslide sa probinsya sang Iloilo subong nga adlaw kadungan sang pagbubo sang mabaskog nga ulan.
Sa interview sang Bombo Radyo kay Dr. Jerry Bionat, pinuno sang Provincial Disaster Risk Reduction and Management Office, iya ginpahayag halos kadam-an sang mga banwa sa probinsya ang naka-eksperyensya lamang sang light to moderate rain.
Normal man ang lebel sang tubig sa mga dams kag dalagko nga suba sa probinsya.
Bangud sini suno sa natungdan, wala sang may ginpaidalom sa evacuation subong nga adlaw.
Wala man sang reported damages sa mga kabaranggayan.
Suno kay Bionat, subong nga bulan sang Hunyo tubtob sa bulan sang Hulyo, normal lamang ang pagbubo sang mabaskog nga ulan bangud sang Habagat.
