Sa edad nga 83-anyos, makaangkon pa sang anak ang Hollywood actor nga si Al Pacino!
Mismo ang The Godfather star ang nag-anunsyo nga eight months pregnant ang iya 29-anyos nga girlfriend nga si Noor Alfallah.
Isa ka producer sa entertaiment industry si Alfallah kag nagsugod sila sa pag-date sang aktor sang Covid-19 pandemic.
Antes sini, may tatlo na ka iban pa nga anak si Pacino halin sa iya daan na nga mga karelasyon.
Lima ka dekada na sa entertainment industry si Pacino kag pinaka-kilala sa iya papel sa “Scarface”, The Irishman, kag “The Godfather” series.
Nakadaog siya sang Academy Award for Best Actor sa “Scent of a Woman” nga ginpaguwa sang 1992.
Sa iya edad nga 83-anyos, gin-updan sini ang lista sang mga may edad na nga Daddies kun sa diin ang isa amo ang iya co-star sa The Godfather Part II nga si Robert de Niro nga bag-o lang nag-welcome sang iya ikapito nga anak sa edad nga 79.
