ILOILO CITY – Ginasaulog subong nga Hunyo ang National Information and Communications Technology Month.
Ini ang gin-establish sang 2008 kasunod sang ginpagwa nga Presidential Proclamation No. 1521.
Sa interview sang Bombo Radyo kay Engr. Sherwin Roy Faduga, Section Head, Infostructure Management Section sang Department of Information and Communications Technology- Region VI ,katuyuan sang sini nga selebrasyon nga ma-enganyo ang mga Filipinos nga batunon ang digital transformation era pinaagi sa pag-promote sang innovation, collaboration, impact, kag inclusivity.
Kadungan sang sini nga selebrasyon, naghanda ang ahensya sang mga aktibidad agud nga matutukan ang importansya sang digital transformation kag proseso sang nagkalain-lain nga mga sektor.
Ang una nga semana ang magatutok sa Digital Innovation and Inclusion, Week 2 sa Digital Governance, Week 3 sa Digital Workforce Competitiveness, kag Week 4 sa Digital Infrastructure and Cybersecurity.
Liwat man nga i-establish ang mga free Wi-Fi sites sa Western Visayas nga ginsuguran sang 2021.
Sang Disyembre 2021, nagdesisyon ang central office nga untaton na ang kontrata sang programa kag ibilin nalang ang region-wide free Wi-Fi services kaangay nalang sa local government units kag mga ospital.
Suno kay Faduga, may yara sang 45 nga operational nga Wi-Fi sites sa rehiyon kag ginaplanuhan nga i-upgrade ini sang opisina humalin sa 5 to 15 mbps tubtob sa 15 mbps to 100 mbps ukon megabits per second.
Natalana naman ang installation sang libre nga Wi-Fi sites sa Passi City sa Hunyo 6.
Ang pagpasiguro sang sang universal connectivity kag pagpasangkad sang e-governance agud mapa-uswag ang serbisyo sang gobyerno sa komunidad ang direktiba ni Presidente Ferdinand “Bongbong” Marcos Jr.
Matandaan nga nangin direktiba ni Presidente Ferdinand “Bongbong” Marcos Jr. ang pagpasiguro sang universal connectivity kag mapasangkad ang e-governance agud mapa-uswag ang serbisyo sang gobyerno sa komunidad.
