ILOILO CITY – Balantayan ang mga familiar faces sa Miss Grand Philippines pageant sa idalom sang ALV Pageant Circle.
Sa final screening, nakit-an ang pila ka mga national titleholders kag beauty contest veterans.
Ang most accomplished sa tanan nga beauties nga nag-apply kag nag-agi sa screening amo si Michelle Arceo nga ginkoronahan bilang Miss Environment Philippines sa 2021 Miss World Philippines pageant, nga ang director amo si Arnold L. Vegafria mismo.
Gin-represent niya ang pungsod sa inaugural edition sang Miss Environment International competition sang April 2022 kag nakuha ang Miss Ecosystem title.
Isa pa ka beauty nga may international experience nga nalakip sa official candidate amo si Shanon Tampon, first runner-up sa 2022 Miss Elite pageant sa Egypt.
Siya man ang ginkoronahan bilang Miss Caloocan sang 2019, kag nagpasakup sa 2021 Binibining Pilipinas pageant.
Nagpasakup man ini sa 2018 Mutya ng Pilipinas kag 2019 Miss Philippines Earth pageants.
Ang komedyante, host kag content creator nga si Herlene Nicole Budol, first runner-up sa 2022 Bb. Pilipinas pageant, ang nagpasakup man upod sanday former Bb. Pilipinas contestants Maria Gail Tobes kag Gabrielle Runnstrom.
11 lamang sa 16 ka mga applicants ang nalakip sa official candidates.
May patigayunon naman nga another round sang in-person screenings sa June 7 agud nga mag-select sang dugang pa nga aspirants.
Ini ang ikaduha nga Miss Grand Philippines pageant nga gin-organize agud nga pilion ang representative sang pungsod sa Miss Grand International competition.
Sang 2015, nakuha sang Bb. Pilipinas pageant ang Philippine license sang Miss Grand International.
Ang Bb. Pilipinas ang naka-produce sang Miss Grand International first runners-up nga sanday Nicole Cordoves sang 2016 kag Samantha Bernardo sang 2021, kag second runner-up Elizabeth Clenci sang 2017.
Sang nagligad nga tuig, ang representative sang pungsod amo si Roberta Tamondong, ang katapusan nga Bb. Pilipinas queen nga nag-compete sa Miss Grand International pageant, nga gin-proclaim nga isa sa mga fifth runners-up.
Nag-advance ini sa top 20 apang ulihi na nga ginhatagan sang Top 10 spot sang nagpanaog sa position ang pambato sang Mauritius.
Ang 2023 Miss Grand Philippines pageant ang maga-proclaim man sang representative sang pungsod sa Reina Hispanoamericana kag Miss Tourism World contests nga una nga ginpili sa Miss World Philippines competition.
