Yari sa Pilipinas ang Hollywood actor nga si Chris Hemsworth agud dugangan pa ang excitement sang iya Filipino fans sa nagahilapit nga pagpaguwa sang iya film nga “Extraction 2” sa Hunyo 16, ang sequel sa 2020 blockbuster action film sa Netflix nga “Extraction.”
Nagpakigkita ang 39-anyos nga actor sa iya fans kag nag-istorya sa iya papel sa pelikula bilang highly skilled commando nga si Tyler Rake.
Ginpahayag man sang Australian superstar nga siya mismo ang naghimo sang iya stunts sa isa ka scene kun sa diin nagahulag ang tren. Ginpakigbahin sini nga ginpreparahan niya ang papel paagi sa pag-train sa movements nga kinahanglan niya nga i-execute.
Mangin si Sam Hargrave nga director sang “Extraction 2” ang wala man sang ihambal kundi pagdayaw para kay Chris nga naglaragway pa sa iya nga talented filmmaker magluwas nga isa ka action star.
Bantog man ang nasambit nga aktor sa iya papel bilang Thor sa Marvel Cinematic Universe.
Kaupod sini sa “Extraction 2” sanday Golshifteh Farahani, Adam Bessa, Olga Kurylenko, Daniel Bernhardt, kagTinatin Dalakishvili. #
