ILOILO CITY – Nalakip sa 21-man pool sang Gilas Pilipinas para sa FIBA World Cup 2023 ang Filipino-American guard nga si Jordan Clarkson kag ang mga naturalized players nga sanday Justin Brownlee kag Ange Kouame.
Ang line-up ang ginpagwa na sang Samahang Basketbol ng Pilipinas.
Ini ang ginalakipan sang gintingub nga Philippine Basketball Association veterans, mga overseas-based players, lakip na ang National Basketball Association hopeful nga si Kai Sotto nga nagpirma sang ontract extension sa Hiroshima Dragonflies sang B.League.
Ang iban pa nga B.League stars nga yara sa line-up amo sanday Dwight Ramos, Kiefer Ravena, Jordan Heading, Thirdy Ravena, Carl Tamayo, kag Ray Parks Jr.
Si Rhenz Abando nga nagbulig sa Anyang KGC sa pagkuha sang championship sa iya pinakauna nga season sa Korean Basketball League ang nalakip man sa line-up upod sa University of Toledo center nga si AJ Edu.
Ang mga beterano naman sa Philippine Basketball Association nga yara man sa listahan amo sanday Chris Newsome, CJ Perez, Roger Pogoy, Scottie Thompson, Jamie Malonzo, Japeth Aguilar, Poy Erram, June Mar Fajardo, kag Calvin Oftana.
Ang Gilas Pilipinas ang nagpahuway sang duha ka semana matapos ang madinalag-on nga 32nd Southeast Asian Games campaign.
Ang team ang ginapahayag nga maga-train sa Europe, kag ang tune-up games ang hiwaton batuk sa Estonia, Finland, kag iban pa nga European teams.
Makasumpong sang Gilas ang Italy, Angola, kag Dominican Republic sa group stage sang World Cup.
