ILOILO CITY – Imbitado si President Ferdinand Marcos Jr. nga magtambong sa opening ceremonies sang FIBA World Cup 2023 sa Philippine Arena.
Suno kay Deputy Event Director Erika Dy, imbitado ang presidente apang wala pa sang kumpirmasyon kun magatambong ini.
Ang iya amay nga si anay presidente Ferdinand Marcos Sr. ang nagtambong man sa opening ceremonies sang 1978 sang una nga nag-host ang pungsod sang amo nga hinampang.
Gin-imbitar man sang organizers si Vice President Sara Duterte.
Ang FIBA World Cup ang magasugod sa Agosto 25 sa hampang sang Gilas Pilipinas batuk sa Dominican Republic.
Kung madumduman, mangin si late former president Benigno ‘Noynoy’ Aquino III ang nagtambong man sang 2013 Asia Championship Finals match sa tunga sang Pilipinas kag Iran kun sa diin, nakuha sang Gilas ang silver medal.
Samtang, si anay president Rodrigo Duterte ang nagpamuno sa ceremonial toss sang Olympic Qualifying Tournament kun sa diin, nakontra sang Pilipinas ang France.
