ILOILO CITY – Nag-file sang petition ang komedyante nga si Pokwang agud nga ipa-deport ang anay partner nga si Lee O’Brian nga amay sang iya pinakabata nga anak nga si Malia.
Siya ang gin-updan sang iya legal counsel nga si Atty. Ralph Calinisan.
Suno sa kampo ni Pokwang, nagagamit lamang sang tourist visa si Lee kag wala sang special working permit.
Sang nagligad nga Marso, nagpakigkita man si Pokwang sa iya abogado may kaangtanan sa iya kamanghuran nga anak.
Ginpahayag man niya nga wala nagahatag si Lee sang anuman nga financial support sa ila anak kag gintawag pa nga “palamunin.”
Sanday Pokwang kag Lee ang nagbulagay na sang Nobyembre 2021 apisar nga una na nga ginpahayag sang komedyante nga maayo ang pagbulagay nila nga duha.
Sila ang nagkitaay bangud sa pelikula nga “Edsa Woolworth” kag nagsugod sang ila relasyon sang 2015.
