ILOILO CITY- Positibo ang Department of Education Region 6 nga madala pauli sang Team Western Visayas ang kampeonato sa Palarong Pambansa Pre-Qualifying Cluster Meet 2023 sa Cebu City.
Sa interview sang Bombo Radyo kay Mr. Hernani Escullar Jr., spokesperson sang Department of Education Region 6, iya ginpahayag nga may yara na ka 15 ka mga matches nga nadaugan ang rehiyon.
Suno kay Escullar, kumpiyansa ini sa mga atleta bangud may “Heart of a Champion” ang mga ini.
Bangud covered sang Department of Education Region 6 ang tanan nga gastos sang mga atleta kaangay sắng transportation, pagkaon, kag billeting, mas maka-focus ang mga ini sa ila performances.
Ginpahayag dugang sang natungdan nga dedikado kag nakatutok ang mga atleta sa ila tagsa ka sporting events, rason nga dako ang tsansa ngaa mangibabaw ang mga ini sa meet.
Lakip sa mga sports events nga ginpasakupan sang mga atleta amo ang volleyball, softball, basketball, sepak takraw, futsal, football, kag baseball.
Magalawig naman ang Cluster 3 tubtub sa Hunyo 17.
Nahibaluan nga patigayunon ang Palarong Pambansa 2023 sa Marikina, Metro Manila, sa Hulyo 29 tubtub Agusto 5.
