ILOILO CITY – Nagpasalig si Iloilo City Mayor Jerry Treñas nga may balikan nga posisyon ang chief sang Urban Search and Rescue sang Iloilo City Disaster Risk Reduction and Management Office nga nag-drive sang water tanker truck nga nag-arado sang mga tawo sa Barangay Baldoza, La Paz, Iloilo City sang nagligad nga Domingo.
Sa interview sang Bombo Radyo kay Mayor Treñas, iya ginpahayag nga bukas sa gihapon ang syudad pananglitan nga magbalik sa trabaho si Darryl Darwin Thulasidas.
Suno sa alkalde, lantawon pa kun psychologically capable si Thulasidas nga mangin driver kag kun indi man, welcome siya sa gihapon sa bisan ano nga posisyon.
Pahayag dugang sang alkalde, suportado sang syudad ang hospitalization, bayad sa doctor kag iban pa nga kinahanglanon ni Thulasidas.
Liwat naman nga nagpanindugan si Treñas nga aksidente lamang ang natabo.
