ILOILO CITY – Liwat nga nagpangibabaw ang Filipino Olympian kag gymnast nga si Carlos Yulo sa floor exercise event sang 2023 Asian Gymnastics Championships sa Singapore.
Naka-score si Yulo sang 15.300 points sa finals kag nakuha ang gold medal.
Nagapangaduha naman si Dmitriy Patanin sang Kazakhstan nga may 14.366 samtang nagapangatlo naman si Weide Su sang China nga may 14.333 points.
Ini na ang ikaduha nga medalya ni Yulo sa championships subong nga tuig matapos nga nakuha man ang silver sa all-around event.
Sang 2022, nakuha man niya ang bulawan nga medalya sa Asian championships.
