ILOILO CITY – Gin-athag ni Iloilo Second District Board Member June Mondejar, author sang Provincial Ordinance 2020-240 nga nagahatag sang benepisyo sa mga myembro sang barangay tanod, nga indi ang mga barangay tanod ang nagamatu-mato kadto sa Iloilo Provincial capitol para kuhaon ang ila nga financial assistance.
Ang cash incentives ang nagabalor sang P1,000 nga mabaton sang mga tanod kada tuig.
Sa interview sang Bombo Radyo Kay Mondejar, iya ginpahayag nga may yara sang representative sang local government units nga amo ang naga kuha sang pondo sa kapitolyo.
May tion man nga ang municipal treasurer ukon barangay treasurer ang ang nagahikutar sang pondo.
Suno Mondejar, sa tion nga makuha na ang pondo, nakadepende na sa banwa kun paano nila ipanghatag ang cash incentives sa mga tanod.
Kinahanglan lamang pahayag sang natungdan nga ihanda sang in-charge sang mas timpramo ang pagproseso sang dokumento ukon requirements nga dapat ma-comply nila ang provisions sang ordinansa.
