ILOILO CITY – Yara pa lang sa pilot testing ang food stamp program ukon ang “Walang Gutom 2027” sang Department of Social Welfare and Development.
Ang nasambit nga programa ang may tinutuyo nga maghatag sang food credits nga nagalab-ot sang P3,000 sa isa ka milyon nga househould nga ginakabig nga food poor.
Sa interview sang Bombo Radyo kay Atty. Carmelo Nochete, director sang Department of Social Welfare and Development Region 6, iya ginpahayag nga ang pilot testing ang ginpatigayon sa National Capital Region, Cebu, kag Davao.
Suno kay Nochete, ginalantaw pa sang ahensya ang effectivity sini antes nga ipatuman.
Ginpahayag dugang sang natungdan nga sa subong, may yara sang sustainable livelihood program ang ahensya agud makapatukod sang kaugalingon nga nesosyo ang mga grantees agud isustinir sa ila palangabuhian.
Samtang, naga-allocate man ang Department of Social Welfare and Decvelopment sang assistance sa mga indibidwal nga yara sa crisis situation.
