ILOILO CITY – Nagpagwa na sang statement ang Filipina top fencer Maxine Esteban may kaangtanan sa iya desisyon nga pagbiya sa Philippine team.
Si Esteban ang isa na ka naturalized player sa Ivory Coast.
Ang 22-anyos nga fencer ang nag-ilis sang citizenship sa iya handum nga makasulod sa 2024 Paris Olympics kag bilang respeto sa iya kaugalingon.
Sang damlag lang, napanami niya ang iya nga record sa world no. 46 sa global rankings para sa women’s foil category, nga amo ang pinakamataas nga rank sa subong sang isa ka Filipina fencer.
Suno sa iya, gintinguha-an niya nga ihatag ang iya masarangan agud nga matuman ang iya Olympic dream upod sa Pilipinas.
Dugang pa niya, ibuyagyag niya ang istorya sang iya pagpangabudlay kag mga eksperyensya nga nagtulod sa iya sa amo nga desisyon.
Ginpasalamatan man sini ang Philippine Olympic Committee sa pagsulat sa International Olympic Committee agud nga i-waive ang iya tatlo ka tuig nga residency requisite nga kinahanglan para sa Paris 2024.
Si Esteban ang isa ka four-time Southeast Asian Games medalist kag four-time UAAP champion.
