ILOILO CITY – Madamo na kita sang nabatian nga reklamo may kaangtanan sa atrasado nga byahe sang eroplano.
Bilang ordinaryo nga tawo, wala na kita sang mahimo kundi magreklamo na lamang kag mag-rant sa social media.
Apang lain ang nangin resulta sang delayed flight sa isa ka pasahero sa Estados Unidos.
Ang isa ka lalaki ang nangin isahanon nga pasahero sang eroplano matapos ang halos 18 ka oras nga delay sa iya scheduled flight nagikan sa Oklahoma padulong sa North Carolina.
Naghulat sang 17 ka oras kag 52 minutos si Phil Stringer antes mag-board sa iya flight.
Nadiskubrehan ni Phil nga ang iban nga mga pasahero nga makaupod niya kuntani sa flight ang nagsakay sa iban nga eroplano samtang ang iban ang wala na nagdayon pa.
Suno kay Phil, ginbakal niya ang tanan nga pulungkuan sa eroplano bangud natak-an na ini nga magpakig-istorya sa mga tawo.
Pahayag niya, nangin mabuot sa iya ang mga crew nga gintawag pa nagikan sa ila mga hotel nga nagahana na nga magtulog agud lamang nga maserbisyuhan siya.
Nakonsensya man siya sa effort sang mga crew apang sang ulihi, nangin abyan man niya ang mga ini.
Naglab-ot pa sa punto nga naga-text sila subong kag may group messaging pa.
Ikaw, ano ang masarangan mo nga himuon kun na-delay ang imo flight?
