ILOILO CITY – Nagsungka sa Bacolod City Police Station 4 subong lamang nga adlaw ang isa sa mga persons of interest sa pagpatay sa anay seaman sa Barangay Pagdugue, Dumangas, Iloilo.
Ang nagsungka amo si Jesus Dipuz, Jr., pakaduha sang biktima nga si Cezar Dipuz Jr., 47.
Sa interview sang Bombo Radyo kay Police Master Sergeant Kim Banzon, imbestigador sang Dumangas Municipal Police Station, iya ginpahayag nga may pamilya sa Bacolod City ang ginatudlo nga suspek.
Ang isa pa sa mga persons of interest ang anak man sang nagsungka.
Nahibaluan nga ginkatingalahan sang mga residente sa lugar ang hinali lamang nga pagkadula sang mag-amay pagkatapos sang krimen.
Daan nga hiligut-anon ang ginalantaw motibo sa krimen.
