Indi mag-isol ang Gilas Pilipinas Women sa playoff debut batok sa New Zealand sa 2023 FIBA Women’s Asia Cup sa Sydney, Australia.
Atubangon sang Pinay cagers ang Tall Ferns samtang atubangon naman sang Australia ang South Korea kun sa diin ang magadaog ang makaupod sang Japan kag China sa Final Four.
Kun makalusot sa New Zealand, atubangon sang Gilas Women ang five-time reigning champion nga Japan sa semis nga kun matabo amo ang una nga semifinal appearance sang Pilipinas halin sang Division A promotion sang 2015.
Preska pa ang Gilas halin sa 92-81 nga kadalag-an batok sa Chinese Taipei sa group stage nga rason nga buhi ini gihapon sa Division A sang FIBA Asia.
Nagapati ang longtime team anchor kag center nga si Jack Animam nga indi na madali-dali ang ila nga team subong kag ila gid tinguhaan nga makasaka sa maragtason nga semifinals.
Balantayan ang hampang 3:00 karon sa hapon. #
