ILOILO CITY – Ang “The Eras Tour” ni Taylor Swift ang makabig nga “can’t miss event of the summer” kag ang pila sa mga fans ang nagahimo na sang kung anu-ano agud nga indi sila maka-miss out.
Sa Ohio, isa ka babayi ang hungod nga nagtago sang iya identity pinaagi sa pagtabon sang habol sa iya nawong kag pagsuksok sang sunglasses bangud nga naglisensya ini nga indi makatrabaho bangud nga nagamasakit agud lamang makatambong sang concert.
Ang babayi upod sa iya abyan ang nagbyahe pa halin sa Louisville padulong sa Cincinnati para sa “Era Tour” stop sa Paycor Stadium.
Nagalinya sila agud nga magkuha sang merchandise sang natu-unan sang camera sang isa ka television station.
Ginpaathag sang wala nagpakilala nga fan nga una na siya nga nadakpan sa concert ni Taylor sa Nashville.
Ang babayi nga nagapanago sa habol ang isa lamang sa mga examples sang mga fans nga nagapangita sang paagi agud nga makatambong sa concert ni Taylor.
