ILOILO CITY – Nagtapos sa ika-anum nga pwesto ang Philippine national women’s basketball team sa 2023 FIBA Women’s Asia Cup matapos nalutos sang South Korea, 80-71 sa classification match nga ginhiwat sa Sydney, Australia.
Ini na ang best finish sang Gilas Women sa pagpasakup sa Division A humalin sang 2015.
Ginpamunuan ni Afril Bernardino ang team nga may 16 points samtang sanday Jack Animam kag Khate Castillo ang may 12 ka puntos. Si Vanessa de Jesus ang may yara lamang sang lima ka puntos.
Ang Pilipinas ang nagtapos sa ika-pito nga pwesto sang 2015, 2017, 2019, kag 2021 editions sang Women’s Asia Cup.
