Magapabilin ang Filipino-American guard nga si Jordan Clarkson sa iya NBA team nga Utah Jazz tubtub sa 2025-2026 season.
Suno sa reports, gina-finalize subong ang tatlo ka tuig kag balor $55 million ukon masobra P3-billion nga contract extension kay Clarkson.
Naga-average ang 31-anyos nga basketball star sang career-high nga 20.8 points kag 4.4 assists nga may 4.0 rebounds sa 61 ka mga hampang sang nagligad nga season.
Siya ang nangin recipient sang Sixth Man of the Year award sang NBA sang 2020-2021 nga nakaamot sang 15.9 points, 3.4 rebounds, kag 2.7 assists sa 661 ka career games sa Los Angeles Lakers, Cleveland Cavaliers, kag sa Utah Jazz. #
