ILOILO CITY – Masami naton mabatian nagikan sa aton ginikanan nga indi kita makakita sang kwarta sa dalan.
Apang sa Cebu City, ini nga hurubaton sang aton ginikanan ang nabali.
Sa Cebu South Coastal Road, ang mga motorista ang nag-untat gid agud nga magkuha sang kwarta nga nagalapta sa dalan.
Suno sa otoridad, ang kwarta ang nagikan sa isa ka collector nga na-identify nga si John Mark Barrientos nga nagabyahe sa iya motorsiklo.
Pahayag ni Barrientos, dala niya ang masobra sa P4 million nga kwarta sa sulod sang iya money bag sang hinali nga nagbukas ang zipper.
Nagatrabaho siya sa isa ka money remittance center sa Cebu kag padulong na kuntani sa Mandaue City.
Ginabanta P2 million ang nabalik sa iya kag masobra pa sa P1 million ang nagapabilin nga missing.
May yara sang nagbalik sang kwarta samtang gina-trace pa sang otoridad ang mga closed-circuit televisions sa lugar agud nga ma-identify nga nagkwa sang kwarta.
Nagalaum naman si Barrientos nga ibalik sang iban ang nakuha nila nga kwarta bangud nga wala siya sang kaugalingon nga kwarta agud nga mabayaran ang nadula.
