Determinado si Senate President Juan Miguel Zubiri sa pagduso sang P150 nga wage hike paagi sa paghimo sini nga isa ka layi.
Ginsaad ni Zubiri ang isa ka survey sang Pulse Asia nga ginpaguwa sang nagligad nga semana kun sa diin nakit-an nga 44% sang mga Pinoy ang nagasiling nga ang wage hike ang ikaduha sa pinakaimportante nga national concern.
Ini ang nagasunod sa problema sa inflation nga amo ang dapat solbaron suno sa amo nga survey.
Gin-cite man sang senador ang resulta sang separado nga Pulse Asia survey nga nagasiling nga 97% sang Pinoy ang nagasiling nga pabor sila sa P150 wage increase para sa private sector workers.
Suno sa senate president, gamiton niya ang resulta sang survey agud nga kumbinsehon ang iya nga mga kaupdanan nga suportahan ang hagna nga magapasaka sang sweldo kun mag-resume na ang deliberasyon sang Senado sa amo nga isyu.
“That is what we need to focus on, and that is my promise. The Senate will [take] a stand on this issue. I know that many businessmen will get angry. But they also need to share their blessings with our workers,” pahayag ni Zubiri.
Marso sang ginduso ni Zubiri ang Senate Bill 2002 ukon ang Across-the-Board Wage Increase Act of 2023 nga nagaduso sang P150 nga wage hike sa bilog nga pungsod.
Samtang, kun madumduman, ang P40 daily minimum wage increase sa National Capital Region sang gin-aprubahan na sang nagligad nga Hunyo. #
