ILOILO CITY – Liwat nga ginpakigbahin sang Queen of All Media nga si Kris Aquino sa iya social media account ang nagligad niya nga relasyon kay Batangas Vice Governor Mark Leviste.
Sa iya latest Instagram post, gin-ako ni Kris nga “cleansed version” lamang ang ginhatag niya sa iya followers sa kun ngaa nga nagbulagay sila ni Leviste.
Suno sa iya, matuod nga mabudlay ang long distance relationship.
Apang nakita niya nga madamo sang mga handum si Leviste kag mga obligasyon para sa mga tawo nga nagboto sa iya.
Dugang pa niya, mangin siya ang nagapakigbato man para sa iya kabuhi bangud nga ginatinguha-an man niya nga himuon ang tanan nga masarangan niya para sa iya duha ka mga anak nga nagakinahanglan sa iya.
Pahayag pa niya, siya na mismo ang nag-utod sang ila nga relasyon bangud nga nabatyagan niya nga indi pa handa si Leviste sa responsibilidad sang seryoso nga relasyon kaupod ang isa ka babayi nga nabaton na ang realidad nga ang kabuhi niya subong ang oras nga ginpahulam lamang sang Ginuo.
Ginklaro ni Kris nga maayo sa gihapon ang ila pagtamdanay ni Leviste apang indi lamang sila ang para sa isa kag isa.
